Sarga 87: Questions about Rāma's Bed

तस्मिन् समाविशद्रामः स्वास्तरे सह सीतया । प्रक्षाल्य च तयोः पादौ अपचक्राम लक्ष्मणः ।।2.87.21।।

एतत्तदिङ्गुदीमूलमिदमेव च तत्तृणम् । यस्मिन् रामश्च सीता च रात्रिं तां शयितावुभौ ।।2.87.22।।

नियम्य पृष्ठे तु तलाङ्गुलित्रवान् शरैः सुपूर्णाविषुधी परन्तपः । महद्धनुः सज्यमुपोह्य लक्ष्मणो निशामतिष्ठत्परितोऽस्य केवलम् ।।2.87.23।।

ततस्त्वहं चोत्तमबाणचापधृत् स्थितोऽभवं तत्र स यत्र लक्ष्मणः । अतन्द्रिभिर्ज्ञातिभिरात्तकार्मुकैः महेन्द्रकल्पं परिपालयंस्तदा ।।2.87.24।।