Sarga 53: Rāma's Lament

न च सीता त्वया हीना न चाहमपि राघव । मुहूर्तमपि जीवावो जलान्मत्स्याविवोद्धृतौ ।।2.53.31।।

न हि तातं न शत्रुघ्नं न सुमित्रां परन्तप । द्रष्टुमिच्छेयमद्याहं स्वर्गं वाऽपि त्वया विना ।।2.53.32।।

ततस्तत्र सुखासीनौ नातिदूरे निरीक्ष्यताम् । न्यग्रोधे सुकृतां शय्यां भेजाते धर्मवत्सलौ ।।2.53.33।।

स लक्ष्मणस्योत्तमपुष्कलं वचो । निशम्य चैवं वनवासमादरात् । समाः समस्ता विदधे परन्तपः । प्रपद्य धर्मं सुचिराय राघवः ।।2.53.34।।

ततस्तु तस्मिन् विजने वने तदा । महाबलौ राघववंशवर्धनौ । न तौ भयं सम्भ्रममभ्युपेयतुर्यथैव । सिंहौ गिरिसानुगोचरौ ।।2.53.35।।