Sarga 57: Sumantra Returns

देव यस्या भयाद्रामं नातुपृच्छसि सारथिम् । नेह तिष्ठति कैकेयी विस्रब्धं प्रतिभाष्यताम् ।।2.57.31।।

सा तथोक्त्वा महाराजं कौसल्या शोकलालसा । धरण्यां निपपाताशु बाष्पविप्लुतभाषिणी ।।2.57.32।।

एवं विलपतीं दृष्ट्वा कौसल्यां पतितां भुवि । पतिं चावेक्ष्य ताः सर्वाः सुस्वरं रुरुदुः स्त्रियः ।।2.57.33।।

ततस्तमन्तःपुरनादमुत्थितम् । समीक्ष्य वृद्धास्तरुणाश्च मानवाः । स्त्रियश्च सर्वा रुरुदुः समन्ततः । पुरं तदासीत् पुनरेव सङ्कुलम् ।।2.57.34।।