Sarga 30: Sītā's Request Granted

सर्वथा सदृशं सिते मम स्वस्य कुलस्य च। व्यवसायमतिक्रान्ता सिते त्वमतिशोभनम् ।।2.30.41।।

आरभस्व गुरुश्रोणि वनवासक्षमाः क्रियाः। नेदानीं त्वदृते सिते स्वर्गोऽपि मम रोचते ।।2.30.42।।

ब्राह्मणेभ्यश्च रत्नानि भिक्षुकेभ्यश्च भोजनम्। देहि चाशंसमानेभ्यः सन्त्वरस्व च मा चिरम् ।।2.30.43।।

भूषणानि महार्हाणि वरवस्त्राणि यानि च। रमणीयाश्च ये केचित्क्रीडार्थाश्चाप्युपस्कराः ।।2.30.44।।

शयनीयानि यानानि मम चान्यानि यानि च। देहि स्वभृत्यवर्गस्य ब्राह्मणानामनन्तरम् ।।2.30.45।।

अनुकूलं तु सा भर्तुर्ज्ञात्वा गमनमात्मनः। क्षिप्रं प्रमुदिता देवी दातुमेवोपचक्रमे ।।2.30.46।।

ततः प्रहृष्टा प्रतिपूर्णमानसा यशस्विनी भर्तुरवेक्ष्य भाषितम्। धनानि रत्नानि च दातुमङ्गना प्रचक्रमे धर्मभृतां मनस्विनी ।।2.30.47।।