Sarga 63: The Tale of the Sage's Son Slain

ताम्यमानः स मां दुःखादुवाच परमार्तवत् । सीदमानो विवृत्ताङ्गो वेष्टमानो गतः क्षयम् ।।2.63.51।।

संस्तभ्य शोकं धैर्येण स्थिरचित्तो भवाम्यहम् । ब्रह्महत्याकृतं पापं हृदयादपनीयताम् ।।2.63.52।।

न द्विजातिरहं राजन् माभूत्ते मनसो व्यथा । शूद्रायामस्मि वैश्येन जातः जनपदाधिप ।।2.63.53।।

इतीव वदतः कृच्छ्रात् बाणाभिहतमर्मणः । विघूर्णतो विचेष्टस्य वेपमानस्य भूतले ।।2.63.54।।

तस्यत्वानम्यमानस्य तं बाणमहमुद्धरम् ।।2.63.55।।

जलार्द्रगात्रं तु विलप्य कृच्छ्रात् । मर्मव्रणं सन्ततमुच्छ्वसन्तम् । ततः सरय्वां तमहं शयानम् । समीक्ष्य भद्रेऽस्मि भृशं विषण्णः ।।2.63.56।।